Indi, mjekët në grevë të përgjithshme, kërkojnë siguri në punë

Mjekët në Indi kanë hyrë në grevë ku kërkojnë siguri më të madhe dhe kushte më të mira të punës, raporton Anadolu Agency (AA).

Shoqata e Mjekëve të Indisë (IMA) shpalli një ditë greve si paralajmërim, e cila çoi në probleme të funksionimit të spitaleve dhe qendrave shëndetësore në mbarë vendin.

Në shumicën e spitaleve punojnë vetëm emergjencat ndërsa greva është organizuar në mbështetje dhe solidaritet me mjekët në provincën e Bengalit Perëndimor të cilët protestojnë për sulmin ndaj dy mjekëve.

Mjekët organizuan protesta edhe në qendrën e New Delhit.

Mjekët në Bengalin Perëndimor protestojnë për të shtatën ditë për shkak të sulmit brutal ndaj dy mjekëve nga familja e një pacienti i cili vdiq.

Ministrja e Shëndetësisë të shtetit federal Mamata Banerjee njoftoi se do të takohet me organziatorët e protestës.

Nesër Gjykata Supreme në Indi pritet të shqyrtojë kërkesën e mjekëve për përmirësimin e kushteve të sigurisë dhe të punës në spitalet shtetërore.