Putin më 25 prill do të takohet me Kim Jong-un

Presidenti i Rusisë Vladimir Putin dhe lideri i Koresë së Veriut, Kim Jong-un, më 25 prill do të takohen në qytetin rus Vladivostok, raporton Anadolu Agency (AA).

Këshilltari për Politikë të Jashtme i Kremlinit, Yuriy Ushakov, në një deklaratë për gazetarët dha informacione në lidhje me takimin e planifikuar mes Putin dhe Kim.

"Presidenti ynë dhe lideri verikorean Kim Jong-un, i cili do ta vizitojë vendin tonë, më 25 prill do të takohen në Vladivostok", u shpreh ai.