Kthehen trupat e dy ushtarëve turq të rënë dëshmorë në Siri

GAZIANTEP (AA) – Trupat e dy ushtarëve të cilët kanë rënë dëshmorë gjatë betejës për të marrë qytetin sirian të Al-Bab-it janë kthyer në Turqi, bëri të ditur një zyrtar i sigurisë, raporton Anadolu Agency (AA).

Rreshteri i këmbësorisë Kivanc Kasikci nga provinca Çanakkale dhe rreshteri i xhandarmërisë Muhammet Duran nga Adana, humbën gjurmët më 29 nëntor gjatë operacionit për të marrë Al-Bab-in nga DEASH-i.

Ata u kthyen në Gaziantep në Turqinë jugore dhe më pas do të dërgohen në krahinat e tyre, tha zyrtari në kushte anonimiteti.

Ushtarët e rënë shërbenin në Siri si pjesë e operacionit “Mburoja e Eufratit”, që filloi në gusht për të pastruar kufirin verior të Sirisë nga terroristët.