خاوی برێنت رووی لە بەرزبوونەوە کرد

ئیستانبوڵ ــ AA

بە ھۆی کەمبوونەوەی ئاستی نەوتی عەمبارکراو لە ئەمریکا، نرخی خاوی برێنت لە بازاڕەکانی جیھاندا، رووی لە بەرزبوونەوە کرد و ھەر بەرمیلێکی بە ٧٢ دۆلار و سێ سەنت مامەڵەی پێوەدەکرێت.

دوێنێ سێشەممە پەیمانگای ئەمریکی (Petroleum Institute) ئاشکرای کردبوو کە نەوتی عەمبارکراو لە ئەمریکا لە کۆتا ھەفتەی رابردوودا، بە سێ ملیۆن و ١٠٠ ھەزار بەرمیل کەمیکردووە.

لە کاتژمێر ٠٦:٢١ نرخی خاوی برێنت لە بازاڕەکانی جیھاندا، بەڕێژەی ٠،٤٣ لەسەدا بەرزبوویەوە و ھەر بەرمیلێکی بە ٧٢ دۆلار و سێ سەنت مامەڵەی پێوەدەکرێت.

بەھەمانشێوە نرخی خاوی ئەمریکا لە بازاڕەکانی جیھاندا، بەڕێژەی ٠،٦٧ لەسەدا بەرزبوونەوەی تۆمار کرد و ھەر بەرمیلێکی بە ٦٤ دۆلار و ٤٩ سەنت مامەڵەی پێوەدەکرێت.