نرخی بەرمیلێک نەوتی خاوی برێنت گەیشتە ٩١ دۆلار و ٤١ سەنت

ئیستانبوڵ- AA

بەرمیلێک نەوتی خاوی برێنت لە بازاڕەکانی جیهاندا بە ٩١ دۆلار و ٤١ سەنت مامەڵەیان پێوە دەکرێت.

دوێنێ نرخی بەرمیلێک نەوت گەیشتە ٩١ دۆلار و ٦٤ سەنت و رۆژەکەی بە ٩١ دۆلار و ١١ سەنت تەواو کرد.

کاتژمێر ٠٩:٤٤ی بەیانی ئەمڕۆ نرخەکان بە رێژەی سەدا ٠،٣٣ هەڵکشانیان بەخۆوەبینی و بەرمیلێک خاوی برێنت بە ٩١ دۆلار و ٤١ سەنت مامەڵەی پێوە کرا.

لە هەمان کاتدا بەرمیلێک نەوتی رۆژئاوای تەکساس بە ٩٠ دۆلار و ٧٥ سەنت فرۆشرایە کڕیاران.

ئەو زریانەی لە دوێنێوە ئەمریکای گرتووەتەوە، نیگەرانی لەسەر ئاستی خستنەبازاڕی نەوت دروست کردوە و ئەمەش بووەتە هۆی هەڵکشانی نرخەکان، بەتایبەت دوای ئەوەی کە خزمەتگوزاری کەشناسی ئەمریکا هۆشداری لەوەدا کە پێشبینی دەکرێت لە چەند رۆژی رابردوودا زریانەکە بگۆڕێت بۆ بەفر و سەرمایەکی لە راددە بەدەر.

بەهەمان شێوە ناجێگیری رەوشی جیۆپۆلەتیکی رۆژهەڵاتی ئەورووپا و رۆژهەڵاتی ناوەڕاست و هەواڵە نەرێنییەکان لە بارەی خستنەبازاڕی نەوت نیگەرانییەکانی زیاتر کردوە، هەروەها بەجێگیری هێشتنەوەی زیادکردنی بەرهەمی رێکخراوی وڵاتانی هەناردەکاری نەوت (ئۆپیک) و وڵاتانی دەرەوەی رێکخراوەکە (ئۆپیک +)، هۆکاری دیکەن بۆ بەرز بوونەوەی نرخی نەوت.