ئەردۆغان: "٣١ی ئادار بۆ ئێمە کۆتایی نییە لە ڕاستییدا خاڵێکی وەرچەرخانە"

ئەنقەرە - AA

سەرکۆماری تورکیا و سەرۆکی گشتیی ئاک پارتی، ڕەجەب تەیب ئەردۆغان ڕایگەیاند: "گەل لەسەر سندووقی دەنگدان ئیرادەی بەیان دەکات، گەل لە ڕێگەی سندووقی دەنگدانەوە قسەی دەکات و پەیامەکەی بە سیاسەتمەداران دەگەیەنێت".

لە ناوەندی گشتیی ئاک پارتی لە ئەنقەرەی پایتەختی تورکیا، سەرکۆمار ئەردۆغان گوتارێکی پێشکەش بە هاووڵاتیان کرد.

لە گوتارەکەیدا سەرکۆمار ئەردۆغان باسی لە هەڵبژاردنی شارەوانییەکانی تورکیا کرد کە ئەمڕۆ ٣١ی ئادار بەڕێوەچوو و ڕایگەیاند: "٣١ی ئادار بۆ ئێمە کۆتایی نییە و، لە ڕاستییدا خاڵێکی وەرچەرخانە".

سەرکۆمار ڕایگەیاند: "گەل لە ڕێگەی سندووقی دەنگدانەوە پەیامەکانی بە سیاسەتمەداران گەیاند. بەشێوەیەکی سەربەخۆ لە دەرەنجامەکانی براوەی ئەم هەڵبژاردنە دیموکراسییمان و ئیرادەی گەلە".

گوتیشی: "لەگەڵ ئەوانەی دەنگیان بە ئاک پارتی و هاوپەیمانی جومهوردا، هەموو ئەوانەی مافی دیموکراسی خۆیان بەکارهێنا و هێزیان بەخشیە سندووقی دەنگدان، سەرکەوتن".

سەرکۆمار ئەردۆغان و سەرۆکی گشتیی ئاک پارتی، ئاماژەی بەوە کرد ئەو ئەنجامەی خوازیاری بوون بەدەستیان نەهێناوە و گوتی: "بەداخەوە ئەو ئەنجامەی خوازیاری بووین و ئومێدمان دەکرد بیهێنین لە تاقیکردنەوەی هەڵبژاردنی شارەوانییەکاندا بەدەستمان نەهێنا".

ڕاشیگەیاند: "لە دوو مانگی ڕابردوودا، سەردانی ٣٢ شاری جیاوازمانم کرد، بە گەلەکەم شاد بووم. ئەنجامەکەی بەم شێوەیە بوو، لە هەموو شتێکدا خێرێک هەیە".

هەروەها سەرکۆمار ئەردۆغان ڕایگەیاند: "لە ئۆرگانەکانی پارتەکەماندا بە دڵێکی کراوەوە ئەنجامەکانی هەڵبژاردنە شارەوانییەکان هەڵدەسەنگێنین، بوێرانە ڕەخنە لە خۆمان دەگرین".

سەرکۆمار ئەوەیشی خستەڕوو کە هەردەم لایەنگریی دیموکراسیی بوون و گوتی: "هەمیشە لایەنگری دیموکراسیی و سندووقی دەنگدان بووین. ئەمڕۆش بە هەمان هەستی بەرپرسیارێتییەوە کار دەکەین و هێزێک لە سەرو ئیرادەی گەلەوە ناناسین".

ڕاشیگەیاند: "بێڕێزی بە بڕیاری گەلەکەمان ناکەین و خۆمان بەدوور دەگرین لە ئینکاری کردن لەگەڵ گەل و کارکردن بە پێچەوانەی ئیرادەی نەتەوەیی و لێپێچینەوە لە بژاردەی گەل. بە دڵنیاییەوە بە وردی و بابەتیانە کار لەسەر ئەو پەیامە دەکەین کە گەل لەسەر سندووقەکانی دەنگدان دای و لە تەرازووی عەقڵ و ویژداندا دایدەنێین و هەنگاوی پێویستی لەبارەوە دەگرینەبەر".

سەرکۆمار ئەوەیشی خستەڕوو کە کار دەکەن بۆ بەدەستهێنانەوەی دڵەکان و، ڕایگەیاند: "سەرلەنوێ لەو شوێنانەی گەلەکەمان هەڵوێستی جیاوازی هەبووە متمانە بنیات دەنێینەوە. بە شوێن ڕێگاکانی بەدەستهێنانەوەی دڵەکاندا دەگەڕێین بەشێوەیەکی بەهێزتر".

ڕاشیگەیاند: "زیاتر لە چوار ساڵ لەبەردەم تورکیادا هەیە کە بەهای خەزێنەیە. ناتوانین ئەم ماوەیە بە مناقشە بەفیڕۆ بدەین کە کاتەکانی گەل و وڵات بەفیڕۆ دەدات".