تیلەرسن و ماکماستەر سەردانی تورکیا دەکەن

ئەنقەرە - AA

وەزیری دەرەوەی ئەمریکا، رێکس تیلەرسن و راوێژکاری ئاسایشی نیشتمانی ئەمریکا، جەنەڕال ماکماستەر سەردانی تورکیا دەکەن.

بەپێی ئەو زانیارییانەی لە سەرچاوە دیپلۆماسییەکان دەستکەوتوون، تیلەرسن و ماکماستەر لە چەند رۆژی داھاتوودا لە تورکیا لەگەڵ ھاوتاکانیان کۆدەبنەوە.

سەرچاوەکان ئاماژە بەوە دەکەن کە بەرپرسانی ھەردوو وڵات کار لەسەر سەردانەکەی تیلەرسن و ماکماستەر بۆ تورکیا دەکەن.

چاوەڕوان دەکرێت تیلەرسن لە ناوەڕاستی ھەفتەی داھاتوو و ماکماستەر-یش لە کۆتایی ئەم ھەفتەیە سەردانی تورکیا بکات.

رێکس تیلەرسن دواجار لە ٣٠ی ئاداری ساڵی رابردوو سەردانی ئەنقەرە و لە ١٠ی تەمووزیش سەردانی ئیستانبوڵی کردبوو.