دوای دیدار و کۆبوونەوەکانی لە ئەمریکا، سەرکۆمار ئەردۆغان گەڕایەوە تورکیا

ئیستانبوڵ - AA

سەرکۆماری تورکیا، ڕەجەب تەیب ئەردۆغان دوای دیدار و کۆبوونەوەکانی لە ئەمریکا کە بۆ بەشداری کردن لە ٨٠هەمین کۆبوونەوەی گشتیی نەتەوە یەکگرتووەکان سەردانی کردبوو، گەڕایەوە وڵات.

سەرکۆمار ئەردۆغان، کاتژمێر ٠٧:٤٥ بە فڕۆکەی "TRK" گەیشتەوە فڕۆکەخانەی ئەتاتورک لە ئیستانبوڵ.

لە فڕۆکەخانە سەرکۆمار ئەردۆغان لەلایەن جێگری سەرکۆمار جەودەت یڵماز و پارێزگاری ئیستانبوڵ، داود گوڵ و سەرۆکی لقی ئاک پارتی لە ئیستانبوڵ، عەبدوڵڵا ئۆزدەمیر پێشوازی لێکرا.

لەو سەردانەیدا بۆ ئەمریکا هەر یەک لە ئەمینە ئەردۆغانی هاوسەری و وەزیری دەرەوە، هاکان فیدان و وەزیری وزە و سەرچاوە سروشتییەکان ئالپارسڵان بایراکتار و وەزیری بەرگریی، یاشار گولەر و سەرۆکی دەزگای هەواڵگریی، ئیبراهیم کاڵن و سەرۆکی فەرمانگەی پەیوەندییەکان لە سەرۆکایەتی کۆمار، بورهانەددین دوران و سەرۆکی پیشەسازی بەرگریی، هالوک گۆرگون وبەڕێوەبەری نووسینگەی تایبەتی سەرۆکایەتی کۆمار، حەسەن دۆغان و گەورەڕاوێژکاری سەرکۆمار بۆ سیاسەتی دەرەوە و ئاسایش، ئاکیف چاغاتای کلیچ یاوەری سەرکۆمار ئەردۆغان بوون.