دەریاچەی ئایگر لە پارێزگای قەرس بەتەواوی بەستوویەتی

قەرس – AA

دەریاچەی ئایگر لە قەزای سوسوز سەربە پارێزگای قەرس، بەتەواوی بەستوویەتی.

دوا بە دوای بەتەواوی بەستنی دەریاچەی چڵدر لە پارێزگای قەرس، هەروەها دەریاچەی ئایگر-یش کە دوو هەزار و ٣٠٠ مەتر لە ئاستی دەریاوە بەرزە، بەتەواوی بەستوویەتی.

لەو دەریاچەیەدا راوەماسی بەشێوەی ئەسکیمۆ دەکرێت و لە کاتێکدا گوڵە زەردە بەهارییەکان لە دەوروبەری دەریاچەکە پشکووتن، سپیپۆشینی ناوچەکە دیمەنێکی ناوازەی ئاوێزانبوونی زستان و بەهار دەبەخشێت.

بەهۆی بەستنی تەواوەتی دەریاچەکە و سپیپۆشینی چیاکانی دەوروبەری، هێندەی دیکە ناوچەکە بووەتە جێی سەرنج بۆ گەشتیاران.

لە رێگای ئێکسپرێسی رۆژهەڵاتی گەشتیارییەوە لەم ماوەیەی دواییدا، قەرس میوانداری هەزاران گەشتیاری زستانە دەکات.