پەیوەندی تەلەفۆنی ئەردۆغان لەگەڵ ترەمپ

ئەنقەرە - AA

لە میانی پەیوەندییە تەلەفۆنییەکەی سەرکۆماری تورکیا رەجەب تەیب ئەردۆغان و سەرۆکی ئەمریکا دۆناڵد ترەمپدا، ھەردوو سەرکردە ئاڵوگۆڕی بیر و بۆچوونیان کرد لەبارەی بارگرژی نێوان قەتەر و وڵاتانی کەنداو. جەختشیان کردەوە لە گرنگی رەوینەوەی بارگرژییەکە تا زووە و چارەسەرکردنی کێشەکان بە دانوستان بۆ ئاسایش و سەقامگیری ناوچەکە.

بەپێی راگەیەندراوێکی نووسینگەی راگەیاندنی سەرۆکایەتی کۆماری تورکیا، ئەردۆغان پەیوەندییەکی تەلەفۆنی لەگەڵ ترەمپ ئەنجام داوە.

لە پەیوەندییەکەدا ھەردوو سەرکردە پرسی پەیوەندییە دوو قۆڵییەکان لە بوارەکانی پیشەسازی بەرگری و ئابووریان تاوتوێکرد و ئاڵۆگۆڕی بیر و بۆچوونیان کرد لەبارەی بارگرژی نێوان قەتەر و وڵاتانی کەنداو. جەختشیان کردەوە لە گرنگی رەوینەوەی بارگرژییەکە تا زووە و چارەسەرکردنی کێشەکان بە دانوستان بۆ ئاسایش و سەقامگیری ناوچەکە.

سەرکۆماری تورکیا رەجەب تەیب ئەردۆغان لە پەیوەندییەکە ئاماژەی بە گرنگی بەرەنگاربوونەوەی ھەموو جۆرە رێکخراوێکی تیرۆریستی کردەوە بە تایبەتیش پەکەکە، فەتۆ و داعش.

ھاوکات ھەردوو سەرکردە رێککەوتن لەسەر پتەوکردنی کاری ھاوبەش لە بەرەنگاربوونەوەی تیرۆر و رێگریکردن لە سەرچاوەی دارایی تیرۆر.