ژێرئاوكه‌وتنی به‌له‌مێك له‌ توركیا گیانله‌ده‌ستدانی 9 كۆچبه‌ری لێكه‌وته‌وه‌

باڵكئه‌سیر – AA

له‌ ئاكامی ژێرئاوكه‌وتنی به‌له‌مێك له‌ ناوچه‌ ئاوییه‌كانی قه‌زای ئایڤاڵك-ی پارێزگای باڵكئه‌سیر كه‌ ژماره‌یه‌ك كۆچبه‌ری نایاسایی هه‌ڵگرتبوو، 9 كه‌س گیانیان له‌ده‌ستدا.

فه‌رمانده‌یی ئاسایشی كه‌ناراوه‌كان رایگه‌یاند، كه‌ دوای ئه‌وه‌ی هه‌واڵی ژێرئاوكه‌وتنی به‌له‌مێكیان له‌ رۆژئاوای دوورگه‌ی چپڵاك پێگه‌یشتووه‌ چوار كه‌ڵه‌ك و دوو كۆپته‌ریان ره‌وانه‌ی شوێنی رووداوه‌كه‌ كرد.

له‌ ئاكامی گه‌ڕان و پشكنینه‌كاندا تیمه‌كانی ئاسایشی كه‌ناراوه‌كان توانییان پێنج كۆچبه‌ری نایاسایی رزگار بكه‌ن كه‌ یه‌كێكیان ژن و یه‌كێكی دیكه‌یشیان منداڵه‌.

تیمه‌كان ته‌رمی سێ ژن و پێنج منداڵیان دۆزیوه‌ته‌وه‌ و به‌رده‌وامن له‌ هه‌وڵه‌كانیان بۆ رزگاركردنی ئه‌وانه‌ی بێسه‌روشوێنن كه‌ ئه‌گه‌ری هه‌یه‌ چوار كه‌س بن.