کەمال کڵچدارئۆغڵو بە سەرۆکی گشتی جەهەپە هەڵبژێردرایەوە

ئەنقەرە-AA

لە ٣٦هەمین کۆنگرەی جەهەپەدا، جارێکی دیکە کەمال کڵچدارئۆغڵو بە سەرۆکی گشتی ئەو پارتە هەڵبژێردرایەوە.

هەریەک لە موحەرەم ئینجە و کەمال کڵچدارئۆغڵو لە کێبرکێدابوون بۆ بەدەستهێنانی پۆستی سەرۆکی گشتی پارتی گەلی کۆماری.

لە کۆنگرەکەدا لە کۆی هەزار و ٢٦٦ ئەندام، هەزار و ٢٥٣یان بەشدارییان لە پرۆسەی دەنگدان کرد و لەوانە تەنها هەزار و ٢٣٧ دەنگ هەژمارکران.

کەمال کڵچدارئۆغڵو بە دەنگی ٧٩٠ ئەندام جارێکی دیکە بە سەرۆکی گشتی هەڵبژێردرایەوە و موحەرەم ئینجەش تەنها ٤٤٧ دەنگی ئەندامانی کۆنگرەی بەدەست هێنا.

دوای دەنگدانەکە، کڵچدارئۆغڵو گوتەیەکی پێشکەش کرد و سوپاسی هەموو لایەکی کرد.