یڵدرم داوا لە ئەڵمانیا دەکات ئەندامانی فەتۆ رادەستی تورکیا بکاتەوە

ئەنقەرە - AA
سەرۆکوەزیرانی تورکیا، بینالی یڵدرم دوای بەجێگەیاندنی نوێژی هەینی سەبارەت بە رۆژەڤ وەڵامی پرسیاری رۆژنامەنووسانی دایەوە.
سەبارەت بە داڵدەدانی ئەندامانی فەتۆ کە تۆمەتبارن بە ئەنجامدانی کودەتا شکستخواردووەکەی تورکیا، یڵدرم گوتی: "ئێمه‌ داوا له‌ ئه‌ڵمانیا ده‌كه‌ین داڵده‌ی ئه‌و ئه‌ندامانه‌ی فه‌تۆ نه‌دات كه‌ له‌ هه‌وڵی كوده‌تادا تێوه‌گلاون و چاوپۆشییان لێنه‌كات و به‌مه‌به‌ستی دادگاییكردنیان راده‌ستی توركیایان بكاته‌وه‌. چۆن ئه‌لمانیا ده‌وڵه‌تی یاسایه‌، توركیاش ده‌وڵه‌تی یاسایه‌. ئه‌مانه‌ ده‌بێت به‌ یاسا دادگایی بكرێن و سزاكه‌یان وه‌ربگرن".
لە وەڵامی پرسیارێک سەبارەت بە یەکێتی گومرک، سەرۆکوەزیرانی تورکیا جەختی کردەوە لەوەی کە ئەڵمانیا ناتوانێت بەتەنیا بڕیار بدات و گوتیشی "سەبارەت بە بابەتی یەکێتی گومرک، ئەڵمانیا ناتوانێت بەناوی یەکێتی ئەورووپا لەخۆیەوە بە تەنها بڕیار بدات. ئەڵمانیا وانیشان دەدات کە تەواوی وڵاتانی یەكیتی ئەورووپا لەو دەپرسن. ئەمە خۆ سەپاندنە. ئەمە کارێکی دروست نییە. ئەم کارە لەگەڵ دامەزراوەیەکی سیستەماتیکی و پرینسیپەکانی یەكێتی ئەورووپا ناگونجێت".