ئیبراھیم رەئیسی پێشوازیی لە مستەفا کازمی کرد

ھەولێر ــ AA

سەرکۆماری ئێران، ئیبراھیم رەئیسی لە رێورەسمێکی فەرمییدا لە کۆشکی کۆنگرە نێودەوڵەتییەکان لە تارانی پایتەخت، پێشوازیی لە سەرۆکوەزیرانی عێراق، مستەفا کازمی کرد.

بەپێی راگەیەندراوێکی نووسینگەی راگەیاندنی سەرۆکوەزیرانی عێراق، ئەمڕۆ یەکشەممە لە کۆشکی کۆنگرە نێودەوڵەتییەکان لە تاران پایتەختی ئێران لە رێورەسمێکی فەرمییدا سەرکۆماری ئەو وڵاتە، ئیبراھیم رەئیسی لەبەردەم نمایشی پاسەوانانی شەرەفدا، پێشوازیی لە مستەفا کازمی کردووە.

ھاوکات ئاژانسی ھەواڵیی فەرمی عێراق بڵاوی کردەوە کە دوای رێورەسمەکە، کۆبوونەوەی نێوان مستەفا کازمی و ئیبراھیم رەئیسی دەستی پێ کردووە.

ئەمڕۆ سەرۆکوەزیرانی عێراق، مستەفا کازمی بە سەردانێک گەیشتە تاران پایتەختی ئێران.