ئەفغانستان.. ئاماری کردە تۆقینەرەکانی تاڵیبان

کابول-AA

حکوومەتی ئەفغانستان رایگەیاند کە لە میانی دوو هەفتەی رابردوودا، ٦٩ هاووڵاتی مەدەنی بەهۆی پەلامارەکانی چەکدارانی تاڵیبانەوە کوژراون.

لەمبارەیەوە گوتەبێژی وەزارەتی ناوخۆی ئەو وڵاتە، تاریق عوریان لە راگەیەنراوێکدا ئەوەی ئاشکرا کرد کە لە میانی دوو هەفتەی رابردوودا، ٦٥٠ پەلاماری چەکداری و تەقینەوە لە سەرتاسەری ئەو وڵاتدا روویداوە.

تاریق عوریان ئەوەشی خستەڕوو کە بەهۆی توندوتیژییەکانەوە، ٦٩ هاووڵاتی مەدەنی کوژراون و ١٤١ کەسی دیکەش برینداربوون.

تا ئێستا بزووتنەوەی تاڵیبان هیچ راگەیەنراوێکی لەو بارەیەوە بڵاونەکردووەتەوە.