بەهۆی پەلاماری هێزەکانی ئیسرائیل ١١ فەڵەستینی بریندار بوون

رامەڵڵا - AA

لە کەناری رۆژئاوای فەڵەستین، ھێزەکانی ئیسرائیل ھەڵیانکوتایە سەر خۆپیشاندانێکی فەڵەستینییەکان و بەو ھۆیەوە ١١ کەس برینداربوون.

لەو بارەیەوە مانگی سووری فەڵەستین، راگەیەندراوێکی بڵاوکردەوە و تیایدا ئەوە خراوەتەڕوو کە ھێزەکانی ئیسڕائیل لە شارەدێی قوسڕا لە باشووری رۆژھەڵاتی نابلوس بە گوللەی پلاستیکی ١١ فەڵەستینییان بریندار کردوە و ٢٠ فەڵەستینی دیکەش کەوتوونەتە ژێر کاریگەری گازی فرمێسکڕێژەوە.

باس لەوەش کراوە کە لە شارەدێی بەیتا-ی باشووری نابلوس شەش کەس کەوتوونەتە ژێر کاریگەری گازی فرمێسکڕێژەوە و لە ئێستادا چارەسەریان بەردەوامە.

پێشتریش لە سێی تەمووزدا و لە شارەدێی قوسڕا، گەنجێکی تەمەن ٢٠ ساڵی فەڵەستینی بەھۆی گوللەی ھێزەکانی ئیسرائیل-ەوە گیانی لەدەستدا، تا ئێستاش ھێزەکانی ئیسرائیل تەرمەکەیان رادەستی خێزانەکەی نەکردوەتەوە.