تورکیا سەرکۆنەی هێرشی چەکداریی سەر زانکۆیەکی حکوومیی لە رووسیا دەکات

ئەنقەرە - AA

وەزارەتی دەرەوەی تورکیا سەرکۆنەی ئەو هێرشە چەکدارییەی کرد کە قوتابیان و مامۆستایانی زانکۆیەکی حکوومیی لە شاری پێرم لە رووسیا کردە ئامانج.

وەزارەتەکە لە راگەیەندراوێکدا دەڵێت: "سەرکۆنەی ئەو هێرشە چەکدارییە دەکەین کە لە زانکۆی پێرم لە رووسیا روویدا و بە هۆیەوە هەشت کەس کوژران و ژمارەیەکی دیکە برینداربوون".

لە راگەیەندراوکەدا وەزارەتی دەرەوەی تورکیا، سەرەخۆشی ئاڕاستەی کەسوکاری قوربانیان و گەلی رووسیا کردووە و هیوای زوو چاکبوونەوەی بۆ بریندارانی رووداوەکە خواستووە.

لە ئاکامی ئەو هێرشە چەکدارییەی کە کرایە سەر قوتابیان و مامۆستایانی زانکۆی پێرم لە شاری پێرم ناوەڕاستی رووسیا، هەشت کەس کوژران و ژمارەیەکی دیکە برینداربوون.

وەزارەتی ناوخۆی رووسیا ئاشکرای کرد کە دەزگا ئەمنییەکان ئەنجامدەری هێرشەکەیان دەستگیرکردووە کە قوتابییەکی زانکۆکە بووە.