رووسیا.. لە سانپترسبۆرگ تەقینەوەیەک روویداو ٩ کەس برینداربوون

مۆسکۆ - AA

لە شاری سانپترسبۆرگ لە رووسیا تەقینەوەیەک روویدا و بەهۆیەوە ٩ کەس بریندار بوون.

بە گوێرەی هەواڵێکی ئاژانسی "RİA " رووسی، لە شاری سانپترسبۆرگ لە رووسیا تەقینەوەیەک لەنێو مارکێتێک روویدا.

بەهۆی رووداوەکەوەوە، ٩ هاووڵاتی بریندار بوون.

دوا بەدوای رووداوەکەش دەست بەجێ مارکێتەکە چۆڵکرا کە نزیکەی ٥٠ کەسی لێبوو.

لە ئێستادا پۆلیس و ئۆتۆمبێلی فریاگوزاری گەشتوونەتە شوێنی رووداوەکە و لێکۆلینەوە لە هۆکار و چۆنییەتی رووداوەکە دەستی پێکردووە