سەرۆکی گشتی مەهەپە باخچەلی : "پێویستە ئیسرائیل ڕابگیرێت"

ئەنقەرە - AA

سەرۆکی گشتیی مەهەپە باخچەلی ڕایگەیاند: "ئەوەی دەگوترێت ئەمریکا بەشداری لە جەنگی ئێران و ئیسرائیلدا کردووە و سێ دامەزراوەی ئەتۆمی دەستنیشانکراوی بۆردومان کردووە، هێرشێکی شەرمەزارکەر و نابەرپرسیارانەیە".

باخچەلی لە ڕاگەیاندراوێکدا ئاماژەی بەوە کرد ئەو جوگرافیایە فراوانەی لەسەری دەژین و شیرازەی هاوسەنگی و ڕێکخستنی جیهانی بە خێرایی بەرەو گێژاوی ترسناک ڕاپێچ دەکرێن، ئەو مەترسیی و هەڕەشانەی ڕوویان لە هەڵکشانە، باڵ دەکێشن بەسەر ئایندەی هاوبەشی مرۆڤایەتییدا.

سەبارەت بە شەڕ و پێکدادانی ئیسرائیل-ئێران، دەوڵەت باخچەلی ڕایگەیاند: "دۆخەکە زۆر جددییە، خوێندنەوە و لێکدانەوەی دروستی لیستی وڵاتانی ئامانج و وەرگرتنی هەڵوێستێکی گونجاو، پرسی سەربەخۆیی و مانەوەیە".

گوتیشی: "ئەوەی دەگوترێت ئەمریکا بەشداری لە جەنگی ئێران و ئیسرائیلدا کردووە و سێ دامەزراوەی ئەتۆمی دەستنیشانکراوی بۆردومان کردووە، هێرشێکی شەرمەزارکەر و نابەرپرسیارانەیە".

سەرۆکی گشتی مەهەپە باخچەلی ئەوەشی خستەڕوو کە هێنانەئارای چەکی ئەتۆمی و ڕوودانی جەنگێکی نوێی جیهانی، خزمەت بەکۆمەڵکوژی و وێرانکاری بەکۆمەڵی مرۆڤایەتی دەکات و ڕایگەیاند: "بەدڵنیاییەوە پێویستە ئیسرائیل ڕابگیرێت".