Yusuf Özcan
19 ئەیلوول 2020•نوێکردنەوە: 19 ئەیلوول 2020
پاريس - AA
لە فەڕەنسا لە ماوەى ٢٤ كاتژمێرى رابردوودا ١٣ هەزار و ٢١٥ حاڵەتى نوێى تووشبوون بە ڤايرۆسى كۆرۆناى نوێ (COVID-19) تۆماركراوە و بەمشێوەيە ئەو ژمارەيە لە سەرەتاى سەرهەڵدانى پەتاكەوە بۆ ئێستا بەرزترين ژمارەى تووشبوونى رۆژانەيە تۆماركرابێت.
بەگوێرەى ئەو راگەیەنراوەی كە لە لايەن دامەزراوەى تەندروستيى گشتييەوە بڵاوكراوەتەوە، هەڵكشان لە ژمارەى رۆژانەى حاڵەتەكانى تووشبوون لە وڵاتەكە بەردەوامە.
بە پێى راگەيەنراوەكە لە ٢٤ كاتژمێری رابردوودا بە تۆماركردنى ١٣ هەزار و ٢١٥ حاڵەتى نوێى تووشبوون بە ڤايرۆسەكە كۆى گشتى حاڵەتەكانى تووشبوون بۆ ٤٢٨ هەزار و ٦٩٦ حاڵەت بەرزبووتەوە و ئەم ژمارەيە لەسەرهتاى سەرهەڵدانى پهتاكه تا ئێستا بەرزترين ژمارەى تووشبوونى رۆژانەيە.
هاوكات ١٢٣ تووشبووى ديكەى ڤايرۆسەكە گیانیان لەدەستداوە و كۆى گشتيى گيانلەدەستان بۆ ٣١ هەزار و ٢٤٩ كەس بەرزبووەتەوە و ژمارەى رۆژانەى گيانلەدەستدان دواى ماوەيەكى زۆر لە سەرووى ١٠٠ حاڵەت تۆماركراوە.
لە ماوەى هەفتەى رابردوودا چارەسەرى پزيشكيى سێ هەزار و ٦٢٦ تووشبوو لە نەخۆشەخانەكان بەردەوامە كە ٥٧١ نەخۆشيان لە ژێر چاودێرى چڕدان.
