مەسرور بارزانی پێشوازی لە سەرۆکی رەوتی ئەلغەدی سووریا کرد

هەولێر - AA

ئەمڕۆ یەکشەممە، سەرۆکی حکوومەتی هەرێمی کوردستان، مەسرور بارزانی پێشوازی لە سەرۆکی رەوتی ئەلغەدی سووریا، ئەحمەد عاصی ئەلجەربا کرد.

بەپێی هەواڵێکی ماڵپەڕی حکوومەتی هەرێمی کوردستان لە دیدارێکدا، گفتوگۆ دەربارەی بارودۆخی سووریا و پێشهاتە نوێیەکان کراوە کە تیایدا سەرۆکی حکوومەتی ھەرێمی کوردستان جەختی لە راگرتنی شەڕ و گرتنەبەری رێگاچارەی ئاشتیانە کردووەتەوە.

ئاماژە بەوەیشکراوە کە لە دیدارەکەدا جەخت لەسەر چارەسەرێکی دادەپەروەرانە و رەتکردنەوەی گۆڕینی دیموگرافی ناوچەکە کراوەتەوە.