تەقینەوەیەک لە باشووری عێراق ھەشت قوربانی لێ کەوتەوە

ھەولێر ــ AA

لە ئاکامی تەقینەوەیەک لە کۆگایەکی تەقەمەنیی سەربە حەشدی لە پارێزگای نەجەف باشووری عێراق، ھەشت کەس کوژران و برینداربوون.

بەپێی ئەو زانیارییانەی کە دەست ئاژانسی ئانادۆڵو کەوتوون، تەقینەوەیەک لە کۆگایەکی تەقەمەنییدا لە پارێزگای نەجەف روویداوە و بەھۆیەوە پێنج کەس کوژراون و سێی دیکەیش برینداربوون.

ھەر بەپێی زانیارییەکان ئەو کۆگایەی کە تەقینەوەکەی تیایدا روویداوە، سەربە گرووپی سەرایا سەلام-ە.

ھاوکات سەرچاوە ئەمنییەکان لە عێراق رایانگەیاندووە کە تەقینەوەکە بەھۆی بەرزبوونەوەی پلەکانی گەرماوە روویداوە.

تا ئێستا دەستەی حەشدی شەعبی ھیچ روونکردنەوە و زانیارییەکی لەوبارەیەوە بڵاونەکردووەتەوە.