روودانی سێ بوومەلەرزە لە سنووری پارێزگای سلێمانی

هەولێر ــ AA

وەزارەتی گواستنەوەی عێراق بڵاوی كردەوە كە سێ بوومەلەرزە بەگوڕەكانی (3،1)، (3،3) و (3،7) پلە بە پێوەری رێختەر،‌ رۆژهەڵاتی قەزای كەلاریان لە سنووری پارێزگای سلێمانی هەژاندووە.

وەزارەتی گواستنەوەی عێراق لە راگەیەندراوێكدا، ئاماژەی بەوە داوە كە روانگەی بوومەلەرزانی سەربە دەستەی گشتیی كەشناسی رایگەیاندووە كە دوێنێ‌ یەكشەممە سێ بوومەلەرزە بەگوڕەكانی (3،1)، (3،3) و (3،7) پلە بەپێوەری رێختەر لە‌ رۆژهەڵاتی قەزای كەلار روویانداوە.

بەپێی راگەیەندراوەكە، دانیشتوانی قەزای كەلار و دەورووبەری هەستیان بە بوومەلەرزەكان نەكردەووە.

لە راگەیەندراوەكەدا ئاماژە بەوە نەدراوە، لەوەی ئایە بوومەلەرزەكان هیچ زیانێكی گیانیی و ماددەییان لێكەوتووەتەوە یان نا.