لە هەولێر ئاگر لە ژمارەیەک دوکانی جوانكاری‌ ئۆتۆمبێل کەوتەوە

هەولێر - AA

درەنگانی ئەمشەو بەهۆکارێکی نەزانراو ئاگر لە ژمارەیەک دوکانی جوانكاری‌ ئۆتۆمبێل کەوتەوە و تیمەکانی ئاگرکوژێنەوە گەیشتنە شوێنەکە.

دوکانەکان دەکەونە سەر شەقامی ٦٠ مەتری و کەلوپەلی جوانکاری ئۆتۆمبێلیان تیادایە.

لە ئێستادا تیمەکانی ئاگرکوژێنەوە سەرقاڵی کۆنتڕۆڵکردنی ئاگرەكەن، هاوکات تیمەکانی فریاکەوتنی تەندروستی گەیشتوونەتە شوێنەکە.

تا ئێستا دەزگا فەرمییەکان هیچ زانیارییەکیان نەداوە بەهۆی سەرقاڵیان بە کوژانەوەی ئاگرەکە و چاوەڕوان دەکرێت لە ماوەکانی داهاتوودا زانیاری زیاتر بخەنەڕوو.

دوکانەکانی جوانکاری ئۆتۆمبێل نزیکەی ٣٠ دوکان دەبن و دەکەونە سەر شەقامی ٦٠ مەتری لە گەڕەکی گڵکەندی شاری هەولێر.