لە شاری قەرس نزمترین پلەکانی گەرما تۆمار کرا

ئەرزەڕۆم - AA

لەسەر ئاستی تورکیا نزمترین پلەکانی گەرما لە شاری قەرس تۆمار کرا کە نۆ پلەی ژێر سفری سەدی بوو.

بەگوێرەی راگەیەندراوێکی بەڕێوبەرایەتی کەشناسیی ناوچەی رۆژهەڵاتی ئانادۆڵو، نزمترین پلەکانی گەرما لە شەوی رابردوو بەم شێوەیە بووە؛ لە دێرسم پێنج پلە و لە ئەرزینجان و ئیدر یەک پلە ژێر سفر و لە ئاگری چوار پلە ژێر سفر و لە ئەرزەڕۆم شەش پلە ژێر سفر و لە ئاردەخان هەشت پلە ژێر سفر و لە قەرس نۆ پلە ژیر سفری سەدی.

هەروەها پێشبینی دەکرێت کە بەرزترین پلەکانی گەرماش بۆ ئەمڕۆ بەم شێوەیە بێت؛ لە دێرسم ٢٢ پلە و لە ئەرزینجان ١٧ پلە و لە ئاگری و ئیدر ١٥ پلە و لە ئەرزەڕۆم ١٣ پلە و لە قەرس و ئەردەخان ١٠ پلەی سەدی دەبێت.