٥٠٠ کەو لە ئەرزەڕۆم لەنێو سروشتدا جێ هێڵدران

ئەرزەڕۆم – AA

بەمەبەستی گرنگیدان و بەردەوامیدان بە ژیانی باڵندە کێوییەکان، ٥٠٠ کەو لە ئەرزەڕۆم لەنێو سروشتدا جێ هێڵدران.

بەڕێوەبەرایەتی هۆبەی ئەرزەڕۆمی پارکە نیشتمانییەکان و پاراستنی ژیانی سروشتی، بەردەوامە لە هەوڵەکانی بۆ زیاترکردنی کەو لە ناوچەکە.

لەو میانەیەدا تیمەکانی هۆبەکە ٥٠٠ کەو کە لە بنکەی بەرهەمهێنانی باڵندە کێوییەکانی ماڵاتیا پێیان درابوون، هێنایاننە ئەرزەڕۆم و لەنێو سروشتدا جێیان هێشتن.

دواتر کەوەکان لە شەققەی باڵیان دا و لەبەرچاو دوور کەوتنەوە.

ژمارەیەک لە بەرپرسان و لایەنە پەیوەندیدارەکانی شارەکە ئامادەی چالاکییەکە بوون.