Во Авганистан, талибанското разузнавање истури 3 тони алкохол во реката Кабул

Управата за разузнавање на талибанската администрација соопшти дека извршиле рација на место каде што се продава алкохол во регионот Карте и Чар во Кабул и информираше дека се запленети три тони алкохол, а три лица што продавале алкохол се приведени.

КАБУЛ

Во Авганистан талибанското разузнавање истури 3 тони алкохол во реката Кабул, пренесува Агенција Анадолија (АА).

Управата за разузнавање на талибанската администрација соопшти дека извршиле рација на место каде што се продава алкохол во регионот Карте и Чар во Кабул.

Во соопштението е наведено дека се запленети три тони алкохол, а три лица што продавале алкохол се приведени.

Меѓу другото, се истакнува дека пиењето алкохол е грев и дека муслиманите треба да избегнуваат алкохол.

Сликата споделена од профилот на социјалните мрежи на Управата за разузнавање покажува како пијалакот се истура во реката Кабул.

Откако талибанците ја презедоа контролата врз Авганистан на 15 август, рациите на местата за производство и продажба на алкохол, вклучително и кај зависниците од дрога, се зголемени низ целата земја.