САРАЕВО (АА) - Есента во Босна и Херцеговина донесе промени, но исто така ја најави и зимата, со првите екстремно ниски температури. Сепак, голем број луѓе продолжуваат да ги користат слободните викенди за прошетка во природа, поради дружење и планинарење, јавува Anadolu Agency (AA).
Жолтите, портокаловите, зелените и црвените тонови на дрвјата и на другата вегетација привлекуваат голем број фотографи и љубители на фотографиите, за кои ова е една од најинспиративните сезони.
Фоторепортерот на АА сними кадри во излетничкото место Скакавац, околу 13 километри од Сараево, како и на планината Бјелашница, на којашто веќе се сретнаа двете годишни времиња – есента и зимата.
Одмор за телото и за душата за време на есента може да се најде и на брегот на Прокошкото Езеро, кај Фојница.
