Црна Гора: Регистрирани 87 нови случаи на коронавирусот

ПОДГОРИЦА (АА) - Во Црна Гора се регистрирани 87 нови случаи на коронавирусот, пренесува Агенција Анадолија (AA).

Институтот за јавно здравје соопшти дека на Ковид-19 биле анализирани 709 примероци, од кои 87 резултати биле позитивни.

„Меѓу позитивните беа и резултатите на две лица кои починаа во текот на вчерашниот ден, а пријавени се и два смртни случаи кај пациенти кои од претходно беа позитивни, а лекувани се Клиничкиот центар на Црна Гора и во Беране. Починатите се од Подгорица и Рожаје “, се вели во соопштението на Институтот.

Од почетокот на јуни од коронавирусот во Црна Гора починаа 14 лица, додека активни се 816 случаи.