Cem Özdel
12 Декември 2015•Ажурирај: 13 Декември 2015
ЊУЈОРК (АА) - Во центарот "Jacob Javits" во Њујорк, вчера се отвори Интернационалниот саем на мотоцикли (Progressive International Motorcycle Show) кој ќе трае до утре, јавува Anadolu Agency (AA).
На саемот учествуваат скоро 200 компании кои се занимаваат со производство на мотоцикли. Покрај примероците од сериско производство, посетителите имаат можност да видат и уникатни модели на мотоцикли.
На саемот изложуваат, меѓу останатите и фирмите Aprilia, BMW, Buell, Ducati, Genuine, Harley-Davidson, Honda, Kawasaki и Yamaha.
Најголемо внимание на посетителите досега привлече мотоциклот од марката Harley-Davidson кој е дизајниран во чест на американскиот претседател Барак Обама. На него се нацртани Обама и неговата сопруга Мишел.
На саемот се изложени и скутери и велосипеди. Организаторите очекуваат дека саемот ќе го посетат над 200.000 луѓе.
