Авион со медицинска опрема пристигна од Турција во Велика Британија

ЛОНДОН

Транспортен авион на британските воздушни сили допатува во Лондон со нов контингент на заштитна медицинска опрема од Турција, јавува Агенција Анадолија (АА).

„Ербас А400М“ на Кралската воздушна флота рано утринава слета на аеродромот „Бриз Нортон“ со заштитна медицинска опрема која во текот на денот ќе биде дистрибуирана во болниците низ земјата.

Бројот на починати од Ковид-19 во Велика Британија вчера изнесуваше 828, при што се искачи на вкупната бројка од 17.337.

Вирусот Ковид-19 најпрвин се појави во Вухан, Кина, во декември 2019 година и досега се рашири во 200 земји низ светот, пренасочувајќи го епицентарот на заразата кон Европа и САД.

Во светот се регистрирани над 2,5 милиони потврдени случаи на вирусот, а бројот на смртни случаи во светот изнесува над 177.000. Бројот на излекувани лица од вирусот изнесува речиси 682.000.

Товарен авион на турските воздушни сили во изминатите денови доставија уште два контигенти помош во Велика Британија, а и тогаш се работеше за медицинска опрема која е неопходна во борбата против пандемијата на Ковид-19.