Генералниот секретар на ОН, Гутереш: Целиме кон трајно и одржливо решение

ЖЕНЕВА (АА) – Генералниот секретар на ОН, Антонио Гутереш, во седиштето на ОН во Женева, каде што се одржува Конференцијата за Кипар, одржа пресконференција заедно со претседателот на Турска Република Северен Кипар (ККТЏ), Мустафа Акинџи, и со лидерот на Јужен Кипар, Никос Анастасијадис, јавува Anadolu Agency (AA).

Гутереш рече дека на конференцијата се дадени многу предлози и истакна оти треба особено да се забележи развојот во однос на „безбедноста и гаранциите“.

Нагласувајќи дека никој не треба да очекува чуда, тој рече: „Наместо брзо решение, ние целиме кон трајно и одржливо решение“.

Покрај Гутереш, Акинџи и Анастасијадис, на конференцијата, во име на државите-гаранти присуствуваат министерот за надворешни работи на Турција, Мевлут Чавушоглу, министерот за надворешни работи на Грција, Никос Коцијас и британскиот министер за надворешни работи, Борис Џонсон. Како специјални претставници на ЕУ присуствуваат претседателот на Европската комисија, Жан Клод Јункер, и високата претставничка на европската дипломатија, Федерика Могерини.

Се очекува конференцијата да продолжи во вечерните часови.