Планета со големина на Јупитер откриена во орбитата на белото џуџе

АНКАРА

Астрономите открија џиновска планета во орбитата на белото џуџе (ѕвезда која умира), јавува Агенција Анадолија (АА).

„Тим на меѓународни експерти во орбитата на белото џуџе WD 1856 + 534 открија планета со големина на Јупитер наречена WD 1856 b“, се наведува во соопштението на Американската вселенска агенција (НАСА).

Планетата која е оддалечена 80 светлосни години од Земјата, се наоѓа на соѕвездието Змеј, а својата ротација околу студената ѕвезда ја завршува за 34 часа.

Се претпоставува дека белото џуџе WD 1856 + 534 припаѓа на системот на тројните ѕвезди и е стара околу 10 милијарди години.

Астрономот Ендру Вандербург од Универзитетот во Висконсин-Медисон изјави дека иако планетата WD 1856 b е многу блиску до белото џуџе, таа сепак успеала да остане во едно парче.

„Процесот на формирање на белото џуџе ги уништува планетите во близина. Сѐ што е преблиску до ѕвездата, често се разбива поради огромната гравитација на ѕвездата. Сѐ уште постојат многу прашања за тоа како WD 1856 b дошла до својата моментална позиција, а да не доживеала една од овие судбини“, наведе Вандербург.