Австралија: Најмалку едно лице убиено во пукотница во Сиднеј

МЕЛБУРН (АА) - Едно лице е убиено, а две се повредени во утринска пукотница во индустрискиот комплекс во Сиднеј, по што полицијата и преговарачките тимови го опколија подрачјето на кое беше напаѓачот, јавува Anadolu Agency.

Телевисзиската станица ABC извести дека тројца луѓе во југозападниот дел на градот го напуштиле подрачјето и влегле во полициско возило пет часа по инцидентот.

Полицијата претходно соопшти дека во пукањето е убиен 43-годишен маж, додека уште двајца други се ранети со куршуми и префрлени во блиската болница.

Полицијата не сакаше да даде повеќе информации во врска со пукотницата, како и за евентуалните заложници.

Полицијата и понатаму го држи опколено подрачјето каде што наводно се наоѓа напаѓачот.

Во декември 2014 година во Сиднеј за време на утринскиот шпиц напаѓач зазеде кафуле и во него држеше 18 заложници 16 часа, убивајќи тројца од нив.