Betül Yürük,Gökhan Kurtaran
19 Јануари 2016•Ажурирај: 20 Јануари 2016
ДАВОС (АА) - Во малиот туристички град на западот на Швајцарија, Давос, утре започнува истоимениот 46-ти по ред Светски економски форум (WEF), јавува Anadolu Agecny (AA).
На овогодинешниот форум кој ќе трае од 20 до 23 јануари ќе присуствуваат високи функционери и лидери од преку 40 земји од светот, а се очекува главни теми да бидат бегалската криза и климатските промени, како и глобалните случувања . Се очекува на форумот да присуствува заменик претседателот на САД, Џо Бајден, министерот за надворешни работи на САД Џон Кери, британскиот премиер Дејвид Камерун, израелскиот премиер Бенјамин Нетенјаху, турскиот премиер Ахмет Давутоглу, грчкиот премиер Алексис Ципрас, бројни претставници на другите земји, генералниот секретар на Обединетите Нации Бан Ки-мун,како и познатите холивудски актери Леонадро Ди Каприо и Кивен Спејси
На состанокот под наслов " Четврта индустриска револуција" ќе разговараат 2.500 претставници на повеќе од 100 земји.
На форумот, кој секоја година наидува на различни протести и осуди дека е "елитистички", со оглед дека минатата година го одбележа бегалската криза, подготвена е и симулациска соба со цел да се укаже на тешките услови низ кои поминуваат бегалците. Покрај високите функционери и бизнисмени, ќе присуствуваат и претставници од невладиниот сектор, научници и претставници на верските заедници.
По повод одржување на форумот во Давос веќе се преземени високи безбедносни мерки а оваа година за безбедноста задолжени се околу пет илјади полициски службеници.
