Во Индонезија 1.380 лица погодени од поплавите

ЏАКАРТА

Поради поплавите, во индонезискиот главен град Џакарта се раселени 1.380 лица, пренесува Агенција Анадолија (АА).

Претседателот на Агенцијата за катастрофи на Џакарта, Сабдо Курнијанто, соопшти дека поројните дождови предизвикале поплави во некои зони во Јужна Џакарта и во Источна Џакарта.

Тој информираше дека од поплавите се погодени 1.380 лица и дека продолжуваат хуманитарните активности за лицата погодени од земјотресот.

Од друга страна, Агенцијата за метеорологија, клима и геофизика на оваа земја упати предупредување дека уште извесно време ќе продолжат поројните дождови во Џакарта, Богор, Бекаси, Тангеранг и Депок.