Dilara Hamit
12 Јули 2020•Ажурирај: 13 Јули 2020
ВАРШАВА (АА) - Гласачите во Полска денес бираат претседател во вториот круг претседателски избори во земјата, откако ниту еден кандидат во првиот круг не освои 50 отсто гласови потребни за целосна победа, јавува Агенција Анадолија (АА).
Претседателот на Полска, Анджеј Дуда, во првиот круг на изборите освои најмногу гласови, 43,5 отсто, додека неговиот ривал Рафал Тшаковски, кој ја претставува опозициската партија Граѓанска платформа, освои 30,4 отсто од гласовите.
Гласањето започна во 07:00 часот по локално време и ќе трае до 21:00 часот.
Според истражувањата на јавното мислење пред вториот круг претседателски избори, Дуда има поддршка од 50,9 отсто, додека Тшаковски има поддршка од 49,1 отсто од гласачите.
