Германија: Училиштен автобус удри во куќа, 21 дете повредено

БЕРЛИН (АА) - Најмалку 21 дете е повредено кога училиштен автобус удри во куќа во јужна Германија, во вторник рано наутро, соопшти полицијата, а пренесува Anadolu Agency (AA).

Несреќата се случи околу седум часот во градот Ебербах, 50 километри источно од градот Манхајм, кога автобусот слета од коловозот и удри во куќа.

Портпаролот на полицијата во Манхајм, Кристоф Кункел, изјави дека повредените се однесени во болници со хелихоптер, а шестмина од нив се во критична состојба.

Причината за несреќата во овој момент не е позната, додека полицијата го испитува возачот на автобусот.

Во времето на несреќата, автобусот бил полн, но полицијата не наведе колку деца биле во него.

Кункел потврди дека истрагата е во тек, и дека улиците што водат до местото на несреќата се затворени.