Експлозија на метан во рудник за јаглен во Авганистан: 16 загинати

КАБУЛ

Во експлозија на метан во рудник за јаглен до која дојде во подрачјето Дере-и Суф Бала во провинцијата Саманган, во северниот дел на Авганистан животот го загубија 16 рудари, јавува Агенција Анадолија (АА).


Портпаролот на министерството за рударство и нафта Абдул Кадир Мустафа, во изјавата за медиумите истакна дека на просторот на Шабашак, во еден рудник за јаглен дошло до експлозија на метан во која животот го загубиле 16 рудари.


Во изјавата портпаролот Мустафа информираше дека повеќе од 15 рудари се наоѓаат заглавени во рудникот, додавајќи дека продолжуваат операциите за извлекување на рударите од рудникот.