Есента го обои Лондон во нијанси на жолта и кафеава боја

ЛОНДОН (АА) – Со доаѓањето на есента познатиот Риџентс Парк во центарот на Лондон, Велика Британија, е обоен во нијанси на жолта и кафеава боја, претворајќи се во вистинска есенска разгледница што привлекува голем број посетители, јавува Анадолу.

Прошетките меѓу паднатите листови им станаа омилена активност на локалните жители и туристите, кои уживаат во прекрасната атмосфера во градот.

На снимките направени од фоторепортерот на Анадолу се гледаат верверици и птици како бараат храна на земјата, природно вклопувајќи се во шаренилото што го отсликува полниот сјај на есента во британската престолнина.

Паркот, кој е еден од најпознатите зелени оази во Лондон, овие денови нуди мир, боја и убавина – карактеристични белези на есенската магија.