Израелската Влада го осуди нападот врз камерманот на АА

АНКАРА

Израелската Влада го осуди нападот врз камерманот на Агенција Анадолија во Тел Авив, пренесува Агенција Анадолија (АА).

Канцеларијата за печат на израелската Влада (GPO) на Твитер напиша дека силно го осудува нападот врз камерманот на АА, Фајз Абу Румаила, кој се случи вчера.

• Евреи од екстремната десница претепаа снимател на АА во Тел Авив

„Слободата на печатот е света вредност на израелската демократија“, нагласи ГПО.

Екстремистичките Евреи вчера го претепаа Румаила додека тој чекаше пред болницата „Асаф Харофе“, каде што е примен на лекување палестинскиот затвореник Хишам Абу Хаваш.

Абу Хаваш се согласи да го прекине својот отворен штрајк со глад во вторникот, откако постигна договор за негово ослободување.

Хаваш водеше штрајк со глад повеќе од 141 ден во знак на протест против неговото апсење без судење според израелската политика на административен притвор.