Индонезија: Повторно активиран вулканот Синабунг

АНКАРА

Повторно е активиран вулканот Синабунг кој се наоѓа на индонезискиот остров Суматра, пренесува Агенција Анадолија (АА).

Според соопштението на Центарот за вулканологија и намалување на геолошките ризици на Индонезија, вулканот кој се наоѓа во зоната Северна Суматра, исфрлил чад и пепел, кои достигнале височина од 1.000 метри.

Се истакнува дека топлите пепелни облаци достигнале и до југоисточната зона на далечина од околу 3 километри.

Армен Путра, член на тимот за набљудување на вулканот Синабунг, истакна дека нема жртви на експлозијата, и дека упатиле апел до селаните кои живеат во околината, да се оддалечат 5 километри од вулканот и да бидат подготвени против опасноста од исфрлање на лава.

Инаку, вулканот Синабунг на почетокот на март исфрли чад и пепел.