Ирачката Војска започна опсежна акција против ДЕАШ

БАГДАД

Ирачката Војска започна голема операција против терористичката организација ДЕАШ во руралните подрачја на три покраини во земјата, пренесува Агенција Анадолија (AA).

Безбедносната мрежа „Мејда“, поврзана со ирачкото Министерство за одбрана, наведе дека во различни подрачја во Салахадин, Мосул и Анбар започнати се 11 различни воени операции, со цел расчистување на остатоците на ДЕАШ.

Во соопштението се наведува дека операцијата се спроведува во јужниот дел на Мосул, во пустинските региони во северен Анбар и во западниот дел на покраината Салахадин, со поддршка на воените авиони на ирачките воздухопловни сили.

Ирак веќе долго време е средиште на длабока политичка и безбедносна криза. Терористичката организација ДЕАШ летото 2014 година го окупираше ирачки Мосул и низа соседни регии, а со заедничка операција на ирачките сили регионот е ослободен за помалку од четири години.

Постојана безбедносна закана во Ирак и понатаму се таканаречените „заспани“ ќелии на ДЕАШ.