Италија: Во водите на Медитеранот спасени 2.300 мигранти

РИМ (AA) - Припадниците на италијанската Крајбрежна стража во водите на Медитеранот спасија 2.300 мигранти, јавува Anadolu Agency (AA).

Акциите на крајбрежните стражи во водите помеѓу Либија и Италија, која е најчестата рута што ја користат мигрантите за премин во Европа, во последно време се интензивирани.

Како што наведоа од Централата на италијанската Крајбрежна стража, денеска се изведени се 22 акции на спасување во текот на кои се спасени 2.300 мигранти. Акциите се изведени на 12 чамци и десет бродови.

Според податоците на Министерството за внатрешни работи, од почетокот на оваа година во Италија преку Медитеранот стасале 45.754 мигранти.