Лидерот на Хамас, Хеније: „Правото на враќање е неотуѓиво свето право“

ИСТАНБУЛ

Зборувајќи за Anadolu Agency (AA) во врска со 45-годишнината од денот на палестинската земја, лидерот на Хамас, Исмаил Хеније, рече: „Овој мрачен ден е овековечен ден во сеќавањето на палестинскиот народ.

Хеније потсети дека Израел во 1976 година се обидел да воспостави контрола и да насели драгоцено подрачје на окупираните палестински територии, а „народот покажал директен отпор“ на тоа.

„Лојалноста кон нашата татковина и правото на враќање се неотуѓиво свето право“, рече Хеније и додаде: „Посебен поздрав испраќам до палестинскиот народ кој е под окупација од 1948 година. Нашата војна и судбина е иста со нивната. Со дозвола од Господ, палестинскиот народ ќе има свое политичко присуство, земја и држава на палестинската земја.“

Наведувајќи дека палестинскиот народ го одбележува Денот на земјата секоја година, лидерот на Хамас продолжи со зборовите:

„Овој ден е показател дека земјата, заедно со нас, е во фокусот на конфликтот со окупационите сили. Од окупацијата на светата палестинска земја досега, народот го посвети својот имот и живот за заштита на својата земја и татковина, спротивставувајќи се на плановите за анексија и населување. Денот на земјата е ден кој ги обединува сите Палестинци во Ерусалим, Газа, Западниот Брег, Палестинците во егзил и во дијаспората.“

- Денот на земјата

Израел на 30 март 1976 година заплени илјадници декари земјиште на Палестинците, државјани на Израел, кои живеат во подрачјето на Џелиле, во северниот дел на земјата. По тоа, палестинскиот народ одржа генерален штрајк и демонстрации против ова запленување.

Израелската полиција отвори оган врз Палестинците учесници во овие демонстрации, при што 6 Палестинци го загубија својот живот, а голем број беа повредени. Овој случај, кој се одбележува како „Ден на земјата“, се смета за симбол на отпорот на Палестинците во врска со земјиштето, кое е извор на конфликтот меѓу Израел и Палестина.