Јемен: Коалицијата предводена од Саудиска Арабија нападна 25 позиции на Хусите

ЈЕМЕН

Најмалку 25 позиции на бунтовниците Хуси се нападнати денес од страна на коалицијата предводена од Саудиска Арабија во Јемен, јавува Агенција Анадолија (АА).

Цитирајќи безбедносен извор, веб-страницата „Ансарулах“ на Хусите објави дека коалициските сили извршиле 21 воздушен напад во Мариб и четири во Хаџах.

Изворот додаде дека нападите ги негираат тврдењата дека коалициските сили работат на мирни решенија.

Коалицијата допрва треба да даде коментар за тврдењата.

Во неделата, силите соопштија дека уништиле три беспилотни летала со експлозив, лансирани од бунтовниците Хуси кон град во Саудиска Арабија.

Потегот се случи непосредно откако беа соборени две беспилотни летала лансирани од иранските бунтовници кон истиот град.

Јемен е место на длабока политичка и безбедносна криза, што кон крајот на 2014 година ескалираше во граѓанска војна, кога бунтовниците предводени од шиитското движење на Хусите и од Конгресот предводен од претседателот Салех го зазедоа најголемиот јеменски град Сана, а потоа и другите региони.