Макрон се соочи со протест за време на неговиот говор во Холандија

ИСТАНБУЛ (АА) - За време на вчерашниот говор на Емануел Макрон во Холандија, францускиот претседател се соочи со гнев од група демонстранти, информираа локалните медиуми, пренесува Анадолу.

„Дач њуз“ објави дека додека Макрон ја изнесувал својата визија за иднината на Европа во Институтот „Нексус“ во Хаг, демонстрантите отвориле транспарент со натпис „Претседател на насилството и лицемерието“. Еден демонстрант го запрашал Макрон „Мислам дека нешто загубивте. Каде е француската демократија?“.

Откако демонстрантите беа отстранети, Макрон го продолжи својот говор, изјавувајќи: „Многу е важно да се дебатира“.

„НЛ тајмс“ објави дека демонстрантите се осврнале и на неодамнешните масовни протести во Франција како одговор на контроверзните пензиски реформи, за кои француската Влада го заобиколи Парламентот за да ги усвои по брза постапка.