Норвешкиот Парламент прими закана за поставена бомба

ЛОНДОН (АА) - Норвешкиот Парламент денес доби закана за бомба, а безбедноста околу Стортинг е зголемена, јавија медиумите повикувајќи се на официјални извори, пренесува Анадолу.

Полицијата соопшти дека полициски службеници пристигнале на местото со високи безбедносни мерки откако норвешкиот Парламент Стортинг доби закана за бомба, објави норвешкиот дневен весник ВГ (VG).

Габриел Лангфелд од полицискиот оддел рече дека „немаат информации за евентуална опасност за трети лица“ и дека „нема информации дека некој е повреден“.

Пал Мунк, шеф на одделот за безбедност на Стортинг, истакна дека заканата е примена преку социјалните мрежи.

Полицијата ја примила пријавата за заканата во 9:48 часот по локално време, јави ВГ.