Осомничениот за инцидентот во Мелбурн е австралиски државјанин

СИДНЕЈ (АА) - Осомничениот, кој денес со возило удри во минувачи во австралискиот град Мелбурн е државјанин на Австралија од авганистанско потекло, соопшти полицијата, пренесува Anadolu Agency (AA).

Полицијата на конференцијата за медиумите откри дека осомничениот од порано е познат на властите поради употреба на дрога и психички проблеми.

Како што наведоа, засега нема докази дека инцидентот е поврзан со тероризмот, но веруваат дека е предизвикан намерно.

Во истрагата се вклучени припадници на антитерористичките единици со цел да се потврди дека случајот не е поврзан со тероризмот.

Во инцидентот кој се случи на фреквентна улица во центарот на Мелбурн повредени се 19 лица, меѓу кои и едно дете чија состојба е критична.

На местото на несреќата излегоа голем број медицински тимови, а очевидците тврдат дека возилото со голема брзина удрило во пешаците.

Полицијата претходно го приведе возачот и уште едно лице.