Полицаец и уште едно лице повредени во пукање пред синагога во Онтарио

Полицаец и уште едно лице се повредени во пукање пред синагога во Белвил, во канадската провинција Онтарио, вчера, додека припадници на еврејската заедница се собирале по повод Јом Кипур, соопштија властите, пренесува Анадолу.

Според полицијата во Белвил, полицаецот се сретнал со едно лице во близина на улиците Бликер авенија и Викторија авенија околу 19 часот по локално време. Двајцата биле пренесени во болница на лекување. Состојбата на полицаецот засега не е позната.

Инцидентот се случил пред синагогата „Сонс оф Џејкоб“. Со истрагата раководи Специјалната истражна единица на Онтарио, независна цивилна агенција за спроведување на законот.

Премиерот на Онтарио, Даг Форд, го осуди пукањето и изрази поддршка за повредениот полицаец и другите припадници на итните служби, се наведува во соопштението цитирано од „Еј-би-си њус“.